قاطع ولا تتخاذل

قاطع ولا تتخاذل

Wednesday, June 27, 2018

و.. تكبر في الطفولة .. 

Sunday, August 21, 2011

اسمحلى اختلف


بعد انتصار الثوار في ليبيا .. فرحة غارمه .. و صلوات شكر لله عز وجل .. الذى يمهل ولا يهمل .. ثم فترة صمت .. وشرود .. وسؤال يمرر الحلق ..

هل ستكون ليبيا ..العراق الجديد .. لا يزال حى باب العزيزية خارج السيطره .. وخرجت قوى المعارضه تحذر من جماعات اسلاميه متطرفه تحمل السلاح .. ثم .. وبعيدا عن ليبيا

هو ليه .. الجماعات الاسلاميه بس هى اللى بتبقي متطرفه ..وماسكه سلاح .. فى سوريا وفى مصر وفى افغانستان وفى العراق .. وامريكا واوروبا .. والدول المتقدمه .. هو ايه اللى ربط كلمة تطرف بالاسلام .. مع انه معروف انه دين السلام .. مع انه خلق ليسود العالم السلام والطمأنينه ..

وبرضو الغريب .. ان مش اعداء الاسلام هم اللى بيتكلموا .. كنا زمان يقولولنا فى ناس اسمهم المستشرقين .. ودول لازم تتناقش معاهم بالعقل والمنطق .. لان وظيفتهم هى الالتفاف على المتشابهات .. والجدل اللا نهائي

كنت لما اقعد اقرا مناظره بين واحد مستشرق وبين واحد عالم كنت اتمتع .. وما كنتش باضايق من اللى هو بيقوله .. لانه معذور هو مش مسلم .. هو بيفكر ..

لكن دلوقتى ..بتلاقي واحد بيصلى جمبك فى الجامع ويقولك .. لا احنا مش عاوزين الشريعه الاسلاميه هى اللى تحكم .. كفايه يكون مباديء الشريعه فى الدستور ..

ويتم تسفيه وتتفيه .. وتقليص الديانه الاسلاميه التى بعث بها الرسول ( صلى الله عليه وسلم ) رحمة ونورا للعالمين .. الى حد السرقه .. ومنع الخمر .. والممثلات مش هايمثلوا بلبسهم اللى ما بيلبسوهوش .. وعمروا حمزاوى هايربي دقنه ..

هو ده الاسلام يا جماعه .. يعنى اللى بيقول الكلام ده شايف ان دينه وعقيدته اللى هو مؤمن بيها .. واللى المفروض انها هاتدخله الجنه لانه مصدقها .. متلخصه فى الحدود .. وفرض السنن الشكلية .. هل الدولة الاسلامية دولة فاشلة .. ام انها كانت اعدل واقوى واكبر دولة فى العالم .. ثم تهاوت بعد ان تهاوينا ..

يوما لم يهتم الاسلام بهيئة المرأة ولا الرجل .. قبل ان يهتم بخلقهما
يوما لم يهتم الاسلام باقامة الحدود .. قبل ان يهتم بتحقيق العدل
يوما لم يهتم الاسلام بان تفعل الذنب او تتركه .. قبل يهتم بعلاقة المعبود مع خالقه

الموضوع مش موضوع نقاب وحد سرقه وانه يمنعك من شرب خمر .. الاسلام علمنا الاول يبقي عندنا اخلاق .. علمنا اننا نحب العدل ونؤمن بان الله هو العدل ..
علمنا انه ( اعبد الله كأنك تراه .. فان لم تكن تراه فانه يراك ) ..

Sunday, March 20, 2011

وهنكمل المشوار



كانت المهمه الأساسيه فى فترة التعديلات الدستورية هى توعية المجتمع بماهية هذه التعديلات وحث المجتمع على المشاركة فى الاستفتاء

ولم يكن الهدف هو توجيه المجتمع الى رأى محدد ॥ حيث كانت الجملة الأساسية ( احنا عاوزين نشارك كلنا .. هاتقول لا ..هاتقول نعم .. مش مهم ..المهم انك تشارك )

لم ولن ننكر اننا رفضنا الترقيعات الدستورية ॥ ولكننا كنا ملتزمين فقط بتوضيح علة هذا الرفض

لذا فأياً ما تكون نتيجة الاستفتاء ॥ فاننا قد أدينا دورنا فى توعية المجتمع على قدر المستطاع – فى تقديرى الشخصي –

وأياً ما تكون النتيجة ॥ فاننا ملتزمون جميعاً برأى الأغلبية

وأياً ما تكزن النتيجة ॥ فسنظل نعمل من أجل الهدف الرئيسي .. وهو توعية المجتمع

ونشكر كل من امن بهذا الهدف ॥ وساعدنا فى تحقيقه

والله ولى التوفيق

للتواصل : 0190720345




Monday, March 14, 2011

واخيرا ... اجنده مصريه

لكل منا اجنده مدون فيها افكاره واحلامه
لكل منا رؤيه يرى من خلالها مستقبل افضل دائما
بداخل كل منا صوت طالما حثه على فعل الصواب دائما

حان الوقت لنصغى لهذا الصوت تماما
حان الوقت لتبدأ فورا فى الخطوات الفعليه لتنفيذ رؤيتك
حان الوقت لان يكون لكل منا اجنده


ولكن _____ اجندة مصريه

أجندة مصرية ... جمعية أهلية تحت التأسيس

http://www.facebook.com/home.php?sk=group_169123353138413&view=doc&id=170133683037380#!/home.php?sk=group_169123353138413&ap=1

Tuesday, March 8, 2011

انت مدعو للتغيير

يا جماعه .. احنا دلوقتى بنعمل حاجه اسمها ورش افكار .. كل واحد يفكر ايه اللى البلد محتاجاه من وجهة نظره .. ويقترح طريقة علاج من وجهة نظره
ايه المشاريع اللى ممكن ننفذها ومن خلالها نقدر نفيد المجتمع والبلد
ايه اللى بتحلم بيه وايه هى الصوره اللى نفسك تحققها للبلد ..

بعد كده هانجمع الافكار دى .. ونبتدى نفكر فى كل فكره لوحدها ونبحث طريقة تنفيذها على الوجه الامثل ..وبعد كده نبتدى فى تنفيذها على طول

احنا لا ننتمى لاى حزب او تيار او جماعه .. احنا بننتمى للمجتمع .. عشان كده ومن غير ما نبص على كراسي ..ومن غير ما نبص على على اى منصب .. هانشوف ايه الخلل اللى موجود فى المجتمع ونبتدى نعالجه ..وبعد كده نشوف خلل غيره ونبتدى نعالجه وهكذا

دورنا بيبتدى من دراسة المجتمع .. وبينتهى عند علاج الخلل .. او توصيل الخدمه لمستحقيها

محتاجين افكاركو .. ومحتاجين مشاركتكوا

احنا دلوقتى طارحين التعديلات الدسترويه كمشروع مبدئي ...وزعنا التعديلات دى على مجموعه من المحامين ..وبيعملولنا عليها ابحاث .. وهانجتمع معاهم ..ونتناقش معاهم .. ولما نكون فكره او رأى عام .. هانبتدى نتحرك بيه .. على شرائح المجتمع المختلفه .. وكل شريحه هانوصلها من خلال طريقة تواصل تتناسب مع طريقة تفكيرها وطريقة استيعابها

يا ريت تقروا التعديلات الدستوريه .. وتبعتولى قرائتكم ليها

البلد بلدنا .. يلا نحقق احلامنا

Friday, February 11, 2011

الله على فرحة عنيكو





مبرووووووووووووووووووووووك
مبروك ليك يا اسلام
مبروك لاهلى
مبروك لاصحابي
مبروك لكل مصري
مبروك لكل واحد بيحب مصر
افرحو يا شعب مصر
ياللى كنت بتقول علينا امبارح شوية عيال وعاوزين نخربها .. افرح معانا
ياللى ما كنتش فاهم احنا ليه كنا بنعمل كده .. افرح معانا
ياللى كنت فاهم غلط .. افرح معانا
ياللى كنت فاهمنا ومش قادر تجيلنا .. افرح معانا
ياللى كنتوا بتدعولنا ..افرحو معانا
يا عم ياللى يوم 28 يناير شوفتنى وطبطبت عليه وقولتى انتوا رجاله .. تعالى وافرح معانا
يا حاج ياللى بوست راسي انهارده .. افرح معانا
يا كل واحد حضنته وبسته انهارده .. افرح معانا
يا شعب مصر .. افرحو .. افرحو اوى ..


يمكن اكون الفتره اللى فاتت كنت بادافع عن اللى بنعمله .. ممكن يكون كان اسلوبي حاد شويه .. لكن انا كنت خايف كمان زيكو انه يحصل كارثه قوميه فى البلد .. وساعتها ما كنتش هاسامح نفسي ان فى حد اتاذي بسببي
الثوره دى مش بتاعة شباب ميدان التحرير وبس
الثوره دى بتاعة شعب مصر كله
افرحو وخلونى افرح بفرحة عنيكو

Thursday, February 3, 2011

روايح كريهه

بعد ما قولت خلاص .. قلعنا الخوف والجبن
رجعت تانى ريحت جبنكوا
رجعت تانى ريحة غروركوا وكبركو
ريحة كرهكوا لان غيركم ينتصر
روايح كريهه .. بتطلع منكو

Wednesday, December 30, 2009

اهداء .. وابتسامه

حين يهمس صمت الليل بسحر كلامك
حين ينام الضوء على جبين النور ويفترش سمائك
حين يغرد طير الفرح وينشد ألحانك
حينها فقط ..فلتنتبهى
انها ليلة ميلادك ......
.......................................................
هذه القصيدة من روائع صديقى العزيز محمود عيطة.. احد اعضائنا فى الخارج .. فى انتظار عودته سالم غانم نادم قائم
1/ 3 /2007

Saturday, December 19, 2009

محاولة .. لاثبات تواجدى فى المدونه

لا شىء يحدث فى هذه الدنيا .. صدفة
......
عجبنى جدا شخصية اشرف عبد الباقى فى فيلم ( صائد اليمام ) .. فى حاجات كنت رافضها فى الشخصية .. بس تقبلت الشخصية فى المجمل ..
...............
عجبنى جدا مقوله في فيلم ( على جمب يا اسطه ) بتاع اشرف عبد الباقي برضو .. مش فاكر المقولة بالظبط
بس هى فكرة النور السهاري .. والنور الكبير .. ممكن حياتنا يبقي فيها نور كبير واحنا مش واخدين بالنا منه .. ونفضل نجرى ورا السهارى
__ من صغرى وانا باعشق النور السهارى __
................
مش عارف امته هاثبت على رأى واحد
................
اقبح صفات الانسان .. الكذب والخيانه .. تحت اى سبب
................
اصعب تحدى للانسان .. هو العفو عند الاهانه
...............
دائما .. لايزال هناك بصيص من الامل